اؤلوم ائوي

بولگه لرسرويسي:ايش يييه‌سي آيليغيمي‌ماسانين اوستونه آتيب بير دنه ده حئسابي چوروتمه بلگه‌سي پولون يانينا توللاييب سيقارئتيني آغ بورما بيغنين آلتيندا ايتميش دوداقلاريندان گؤتوروب بلگه‌ني گؤسته‌ره‌رَک:اوغول بالا من سنين سهولرين اوچون سرمايه‌مي‌الدن وئره بيلمه‌رم. بورا بير قول آت خوش گلدون.

اوولجه نه باش وئرديگيني بيلمه‌ديم، »خوش گلدون« سؤزونو ائشيدرکن اؤزومه گليب ديل_آغيز ائتمک اوچون يالواريشلي باخيشلا اونو سوزدوم. ساچ‌سيز باشي قهوه رنگلي آجيقلي گؤزلريني داها جيددي گؤسته‌ريردي. اوزونون ايکي طرفينده دوز بيغينين قورتارديغي يئرده قيرميزي ياناقلارينين اَتي ساللانيردي. آغ کؤينه‌گينين يوخاريدان ايکي دويمه‌سي آچيق قالديغي اوچون سينه‌سينين اوره‌گي بولانديران قيوريم تَرلي توک‌لري گؤرونوردو. بئليني قولتوقلو ايستولونا سؤيکه‌ييب شيشمان قارنيني قاباغا وئريب سرت باخيشيني اوستومه سالميشدي. بيردن من آغزيمي‌آچماميشدان اؤنجه ديناميت کيمي‌آچيليب اليني ماسانين اوستونه چيرپيب باغيردي:
نه‌يه باخيرسان اده، قول چک خوش گلدون.ديل-آغيز ائتمک ايسته‌سه‌يديم ده بو سون باغيرتيسينيا دؤزمه‌ييب تئز کاغيذا قول آتيب پوللاري جيبيمه باسيب شرف‌سيز دئيه‌رَک اوتاغي ترک ائديب بير باشا بينادان ائشيگه چيخديم. نه ائديب‌هارا گئده‌جه‌گيمي‌بيلميرديم. او شيشمان کيشييه شرف‌سيز دئديگيم اوچون اؤزومدن آجيقلي’‌ايديم، بير ياندان دا اؤزومه حاق وئريرديم اوچ ايل او شيرکتده زحمت چکميشديم آنجاق آتام حياتيني دگيشندن سونرا دونيادا هئچ بير کيمسه‌م اولماديغي اوچون اؤزومو الده ائده بيلميرديم.
توپارلانماق اوچون منه داها آرتيق زامان وئرمه‌لي’ايدي. آدديملاياراق قارماقاريشيق فيکيرلريمي‌دوزَنله‌مک ايسته‌ديگيم ده بيردن اؤزومو آتامدان ميراث قالان ائوين قاباغيندا گؤردوم. جيب‌لريمي‌آختاريب آچاريمي‌تاپيب قاپييا سالديم، توتاجاقدان ياپيشيب آزجا اؤزومه ساري چکيب آچاري فيرلاتديم ‘تق’ سسي’ايله قاپي آچيلدي. حيطيميميز کوچه‌دن آلچاقدا اولدوغو اوچون ايکي پيلله آشاغي ائنيب ايکي طرفينده بالاجا باخچاسي اولان گئنيش حيطي گؤزدن کئچيريب اسکي معمارليغيني قوروموش ائوه دوغرو آدديملاديم. بير زامانلار‌هاي_کويله دولو اولان ائو نئجه ده سس‌سيز و داريخديرجي گليردي. ائوين تاختا قاپيسيني آچيب ايچه‌ري کئچديم. قوناق سالونوندا مئبئل‌لرين دوزومو، ديوارلاردا آتامين چکديگي منظره شکيل‌لري و آنامين توخودوغو خالچا هر شئيي عادي گؤسته‌ريردي، عادي اولمايان تک شئي اونلارين اولماماسي‌ايدي. آلاقارانليق، نَم قوخولو ائو اوره‌گيمي‌ائله سيخدي دئديم بلکه ايندي خاطيره‌لرين سالديريسيندان هلاک اولوب آتا_آنام حياتايني دگيشديگي بو سالوندا ييخليب اؤله‌جه‌يم. ايختيارسيز آتامين پنجره‌نين قيراغيندا اولان قولتوقلو ايستولونا ياخينلاشيب اوندا اوتورماق ايسته‌ديم آنجاق موبايليمين سسي مانع اولدو. جيبيمدن چيخاريب تانيش اولمايان بير نومره‌ني تئلفونومون صفحه‌سينده گؤردوم. دورمادان علاقه توشونو چکيب ائشديرم دئديم.
آراز بي؟ بلي اؤزومم. سيز ؟من رحمتليک آتانيزين مصلحتچي وکيلي‌ آقازاده’يم. زحمت اولماسا ساعات ??:?? ده منيم دفتريمده اولون. اؤنملي بير مسئله‌ني سيزله آرادا قويمالييام. ايزله‌مي‌ساوجيقلا سيزه گؤندره‌جه‌يم. حله‌ليک. باش اوستونه. حله‌ليک.خوش گون‌لريمين خاطيره‌لريني اؤزونده ساخلايان ائوين اورا_بوراسيني دولانديغيمدا ساوجيق سسي يئنه سوکوتو پوزدو، وکيل ايزله‌مي‌منه گؤندرميشدي. قول ساعاتيم ??:??ني گؤسته‌ريردي کسينليکله من ائودن چيخيب اورايا گئدنه‌دک او دئديگي زامان اولاجاقدي. تئز ائودن چيخيب قاپيني کيليدله‌ييب خياباندان بير تاکسي توتوب وکيلين دفترينه يوللانديم. زامانا اؤنم وئرديگيمه گؤره دوز دئديگي واختدا اورادايديم. کاتيبه‌يه اؤزومو تانيتديرديغيمدا اوتاغي منه گؤسته‌ردي. قاپيني دؤيوب ايچه‌ري گيرديم. سلام سلام آراز بي بويرون ايله‌شين.وکيلين يانيندا قيوريم ساچلي، ماوي گؤزلو بير اوجا بوي آريق کيشي اوتورموشدو کئچيب هر ايکيسي’ايله گؤروشوب وکيلين قارشيسيندا اوتوروب بويورون دئيه‌رَک سؤزلريني گؤزله‌ديم.اؤنجه سيزي بورايا چکديگيم اوچون عذر ايسته‌ييرم آما بو اؤنملي مسئله‌ني سيزله آرادا قويمالييام. رحمتليک آتانيز حياتيني دگيشمه‌ميشدن اؤنجه ائويني ساتميشدي بو آيين باشيندا ائوي تحويل وئره‌جکدي…
(سينيرلاناراق)نئجه يعني؟حقيقت بودور کي سون زامانلار آتانيزين پولو اولماديغي اوچون ائويني ساتماق قرارينا گليب اونو ساتدي. بو آيين باشيندا ائوي تحويل وئرمک لازيم‌دير.آما…، آما منيم اورادان باشقا هئچ يئريم يوخدور. بو گون ايش يئريمدن دن قوولموشام. بس من…، من‌هارادا ياشاياجاغام. اؤزونوز بيليرسينيز آرتيق حياتدا هئچ کيمسه‌م يوخدور.اؤزومو ساخلايا بيلمه‌ييب گؤزلريمين ياشيني آخيتديم آنجاق بيلمه‌ديم بو ياش سينيرلانديغيم اوچون’ايدي يوخسا چاره‌سيز اولدوغوم اوچون.آديني بيلمه‌ديگيم اوچونجو آدام:آراز منيم بير ائويم وار، اوردا هئچ کيمسه قالمير. ايسته‌سن اوردا ياشايا بيلرسن.هميشه بيرينين منه يازيغي گلمه‌سيندن نيفرت ائديرديم. آشاغيدان يوخاري گؤلمه‌جه‌يه بنزر گؤزلرينه باخيب لازيم دئييل دئديم.(منيم آديمي‌هاردان بيليردي!)ـ من آقازاده‌نين قديم دوستويام. ايندي ده اونا باش چکمک اوچون تورکيه‌دن بورا گلميشم. هر حالدا من او ائوين آدرسيني سنه وئريرم. بير زامان گئتمه‌گين اولسا آچاري آقازاده’دن آلا بيلرسن.بونو دئييب کؤينه‌گينين جيبيندن قلم کاغيذ چيخاريب نه‌سه يازيب منيم قارشيما قويوب آياغا قالخيب وکيل’له ساغ‌اوللاشيب منه ده حله‌ليک دئييب قاپييا ساري يئريدي. وکيل منه باخيب کاغيذي گؤسته‌ره‌رَک دئدي اونو گؤتور لازيمين اولار. باشيمي‌دؤندرديم تانيماديغيم کيشيه باخام آما او گئتميشدي.( بس نييه قاپينين سسيني ائشيتمه‌ديم او گئدنده!)وکيل ـ دوستوموزا باخ ايگيرمي‌بئش ايلدن سونرا بيزي گؤرمه‌گه گليب، بئش ديقه اوتوروب ائله گئتدي کي هئچ بيلمه‌ديک.آقازاده’ايله ساغ اوللاشيب دفتردن چيخديم. هر شئي آيدين’ايدي من ايکي گوندن سونرا آتامين ميراثيني تزه صاحيبينه تحويل وئرمه‌لي’ايديم. ايش يئريمدن قوولماسايديم شيرکت وئرَن اوتاقدا ياشايارديم آما ايندي گئجه‌لري ياتماغا دا يئريم يوخدور. بيردن او تانيماديغيم کيشي ياديما دوشدو، باشقا يول يوخ‌ايدي من حله‌ليک او دئين ائوه کؤچمه‌لي’ايديم. يولومو بير کؤهنه‌چي دوکانينا ساليب ائوين گرکسيز اشياءلاريني ساتماق اوچون اونو ائوه گؤتوردوم. بير ساعاتدان سونرا حيط قاپيسيني آچيب اونونلا بيرگه حيطدن ائوه ساري آدديملاديق. بويو آلچاق دولو بير کيشي’ايدي سئوينجدن هئچ بيلميردي نه ائتسين. ايبليس واري گوله‌رَک: ـ دئدين هر نه وار ساتيرسان هه؟
هه ساتيرام آز دانيش ايشيني گؤر.باشقا بير ائوه داشيناجاغيم اوچون بير نئچه گرکلي اشياءلاري او جومله‌دن آتام چکن شکيل‌لرله آنام توخويان خالچاني گؤتوروب باشقا اشياءلاري دگر_دگمه‌زينه ساتيب يوک داشيما آگئنتينه(آژانس) زنگ ائديب صاباح او کيشي دئين ائوه کؤچمک قرارينا گلديم. دئمک اولار گئجه ياري اولموشدو کؤهنه‌چي بوتون اشياءلاري سيليب سوپوروب پوللاريني وئريب گئتدي. سون گئجه اؤز ائويميزده قوناق’ايديم، يورقونلوقدان آز قاليرديم آياق اوسته ياتام. اؤزومو حيطده تاختا ديوانا چاتديريب اوستونده اوزانديم. آغير بير سوکوت ائوه چؤکموشدو سانکي او دا منيم کيمي‌يارالي’ايدي. گؤزلريمي‌باغلاييب قارا چگيرتکه‌لرين جيريلتيسينا قولاق آساراق خيالا دالديم.اوشاق اينيلتيسينين سسينه ديواندان ائنمک ايسته‌ديگيمده درين بير قويويا دوشدوم. بالاجا بير داش کيمي‌قويونون ظولوماتليغيندا ماياللاقلاياراق آشاغي گئديرديم آما قويونون ديبينه چاتميرديم. بيردن قويو اودلا دولدو بوتون گوجومله باغيريب يارديم ايسته‌ديم آنجاق کار وئرمه‌دي. آلوولار مني بورودوگونده ديک آتيليب اؤزومو ديوانين اوستونده گؤردوم. يومروقلاريمي‌ائله سيخميشديم ديرناقلاريم آز قاليردي اتيمه کئچيب اليمي‌يارالاسين. قارا باسميشدي اؤزومو آما بو يوخونو نئجه يوزماق اولاردي؟ نه اوچون من اوشاق اينيلتيسينين سسينه گئتديکده او آلوولو قويويا دوشدوم ؟ سورغولاريما هئچ بير جاواب تاپا بيلمه‌ييب يئني‌دن اوزانديم.آخشام اوستو بوتون ايش‌لريمي‌بيتيريب آقازاده‌نين دفترينه گئتديم. کاتيبه اونون اولماديغيني بيلديريب آرخاسيندا اوتوردوغو ماسانين چکمه‌جه‌سيندن آچارلاري چيخاريب منه وئردي.ـ دئميشدي‌لر بو آچارلاري سيزه وئرَم.
آردي وار

منبع :